ನವದೆಹಲಿ:ಅಕ್ಟೋಬರ್ 09: ತೆಲಂಗಾಣ, ಛತ್ತೀಸ್ ಗಢ, ರಾಜಸ್ಥಾನ, ಮಧ್ಯಪ್ರದೇಶ ಮತ್ತು ಮಿಜೋರಾಂ ರಾಜ್ಯಗಳ ಚುನಾವಣಾ ದಿನಾಂಕವನ್ನು ಚುನಾವಣಾ ಆಯೋಗ ಇಂದು ಪ್ರಕಟಿಸಲಿದೆ. ಇಂದು ಮಧ್ಯಾಹ್ನ 12 ಗಂಟೆಗೆ ಪತ್ರಿಕಾಗೋಷ್ಠಿ ಆರಂಭವಾಗಲಿದೆ.
40 ಸದಸ್ಯರನ್ನು ಹೊಂದಿರುವ ಮಿಜೋರಾಂ ವಿಧಾನಸಭೆಯ ಅವಧಿ ಡಿಸೆಂಬರ್ನಲ್ಲಿ ಕೊನೆಗೊಳ್ಳಲಿದ್ದು, 90 ಸದಸ್ಯರ ಛತ್ತೀಸ್ಗಢ ವಿಧಾನಸಭೆ ಮತ್ತು ಇನ್ನೂ ಮೂರು ರಾಜ್ಯಗಳ ಅವಧಿ ಜನವರಿಯಲ್ಲಿ ಕೊನೆಗೊಳ್ಳಲಿದೆ.
ಮಧ್ಯಪ್ರದೇಶ (230 ಸದಸ್ಯ), ರಾಜಸ್ಥಾನ (200 ಸದಸ್ಯ) ಮತ್ತು ತೆಲಂಗಾಣ (119 ಸದಸ್ಯ) ವಿಧಾನಸಭೆಗಳಿಗೆ ಮುಂಬರುವ ವಾರಗಳಲ್ಲಿ ಚುನಾವಣೆ ನಡೆಯಲಿದೆ.
ಚುನಾವಣಾ ಆಯೋಗವು ಕಳೆದ ಎರಡು ತಿಂಗಳಿನಿಂದ ಚುನಾವಣೆ ನಡೆಯಲಿರುವ ಐದು ರಾಜ್ಯಗಳಿಗೆ ಭೇಟಿ ನೀಡಿ ಸಿದ್ಧತೆಗಳನ್ನು ಮೇಲ್ವಿಚಾರಣೆ ಮಾಡುತ್ತಿದೆ.