ಉಡುಪಿ: ಅಕ್ಟೋಬರ್ 02:ದ್ರಶ್ಯ ನ್ಯೂಸ್ : ಉಡುಪಿಯ ನಾಗರಿಕ ಸಮಿತಿಯಿಂದ ಪ್ರಧಾನಿ ನರೇಂದ್ರ ಮೋದಿ ಸ್ವಚ್ಚತಾ ಆಂದೋಲನ ಕರೆ‌ಕೊಟ್ಟ ಹಿನ್ನಲೆ ಇಂದ್ರಾಳಿಯಲ್ಲಿ ರೈಲ್ವೆ ಬ್ರಿಡ್ಜ್ ನ ಅಪೂರ್ಣ ಕಾಮಗಾರಿ ವಿರುದ್ದ ಪ್ರತಿಭಟಿಸಿ ತುಕ್ಕು ಹಿಡಿದ ಬ್ರಿಡ್ಜ್ ನ ಕಬ್ಬಿಣದ ಸರಳುಗಳನ್ನು ಸ್ವಚ್ಚಗೊಳಿಸಿ ಬಣ್ಣ ಬಳಿದು ಅಣುಕು ಕಾರ್ಯ ಸ್ವಚ್ಚತಾ ಕಾರ್ಯಕ್ರಮವು ನಡೆಯಿತು
ಕಳೆದ ಐದು ವರ್ಷದಿಂದ ಕಾಮಗಾರಿ ಸ್ಥಗಿತಗೊಂಡು ಅರ್ಧ ನಿರ್ಮಾಣವಾಗಿರುವ ಸೇತುವೆಯ ಸರಳುಗಳು ತುಕ್ಕು ಹಿಡಿಯಲು ಶುರು ಆಗಿದ್ದು, ಈ ಕಬ್ಬಿಣದ ಸರಳುಗಳಿಗೆ ಪೈಂಟ್ ಬಳಿದು ಅಣಕು ಸ್ವಚ್ಛತಾ ಕಾರ್ಯ ನಡೆಸಲಾಯಿತು.ಅಪೂರ್ಣ ಕಾಮಗಾರಿಯ ಪರಿಣಾಮ ಈ ಬಾಗದಲ್ಲಿ ಹೆಚ್ಚಿನ ಅಪಘಾತಗಳು ನಡೆಯುತ್ತಿವೆ.
ಇಲ್ಲಿನ ಸಮಸ್ಯೆಯ ಕುರಿತು ಮನವಿ ಸಲ್ಲಿಸಿ ಬೇಸತ್ತ ನಾಗರಿಕ ಸಮಿತಿಯ ಸಂಚಾಲಕ ನಿತ್ಯಾನಂದ ಒಳಕಾಡು ವಿಭಿನ್ನ ರೀತಿಯಲ್ಲಿ ಅಣುಕು ಕಾರ್ಯ ನಡೆಸುವ ಮೂಲಕ ಕೇಂದ್ರ ಸರ್ಕಾರ ಈ ಮಹತ್ವದ ದಿನವಾದರೂ ಈ ರೀತಿಯ ಅಣುಕು ಸ್ಚಚ್ಚತೆಯನ್ನು ಗಮನಿಸಿ ಕಾಮಗಾರಿಗೆ ಚುರುಕು ಮುಟ್ಟಿಸಲು ಮನವಿ ಮಾಡಿಕೊಂಡಿದ್ದಾರೆ
