ಮಂಗಳೂರು : ಸೆಪ್ಟೆಂಬರ್ : 16: ದೃಶ್ಯ ನ್ಯೂಸ್ : ನಗರದ ಮೂಲ್ಕಿ ಬಿಲ್ಲವ ಸಮಾಜ ಸೇವಾ ಸಂಘದ ಎದುರಿನ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಉಡುಪಿಯಿಂದ ಮಂಗಳೂರಿನತ್ತ ಬೈಕ್‌ನಲ್ಲಿ ಹೋಗುತ್ತಿದ್ದ ಇಬ್ಬರಿಗೆ ಕಾರ್ನಾಡಿನಿಂದ ಬಂದು ಹೆದ್ದಾರಿಗೆ ಪ್ರವೇಶಿಸುತ್ತಿದ್ದ ಕಾರೊಂದು ಢಿಕ್ಕಿ ಹೊಡೆದ ಘಟನೆ ನಡೆದಿದೆ. ಭೀಕರ ಅಪಘಾತದಿಂದ ಬೈಕ್‌ನ ಸಹಸವಾರೆ ಯುವತಿ ಯೋರ್ವಳು ಸಾವನ್ನಪ್ಪಿರುವ ಘಟನೆ ನಡೆದಿದೆ.
ಬಾಳೆಪುಣಿಯ ನಿವಾಸಿ ಮನ್ವಿತ್‌ರಾಜ್‌ ಶೆಟ್ಟಿ ಬೈಕ್‌ನಲ್ಲಿ ಜೊತೆಯಾಗಿ ಬಾಕ್ರೆಬೈಲಿನ ಪ್ರೀತಿಕಾ ಶೆಟ್ಟಿ ( 21) ಪ್ರಯಾಣಿಸುತ್ತಿದ್ದು, ಕಾರು ಢಿಕ್ಕಿ ಹೊಡೆದ ತತ್‌ಕ್ಷಣ ಪ್ರೀತಿಕಾ ಅವರು ಒಂದಷ್ಟು ದೂರಕ್ಕೆ ಎಸೆಯಲ್ಪಟ್ಟು ತೀವ್ರವಾಗಿ ಗಾಯಗೊಂಡ ಪರಿಣಾಮ ಅವರನ್ನು ಮಂಗಳೂರಿನ ಆಸ್ಪತ್ರೆಗೆ ಸಾಗಿಸುವಷ್ಟರಲ್ಲಿ ಕೊನೆಯುಸಿರೆಳೆದಿದ್ದಾರೆ ಎಂದು ತಿಳಿದು ಬಂದಿದೆ.
ಸುರತ್ಕಲ್‌ ಉತ್ತರ ಟ್ರಾಫಿಕ್‌ ಪೊಲೀಸರುಘಟನಾ ಸ್ಥಳಕ್ಕೆ ಆಗಮಿಸಿ ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.
