ಕಾರ್ಕಳ, ವಿಧಾನಸಭಾ ಕ್ಷೇತ್ರದ ಮಿಯರೂ ಸಮಾಜ ಮಂದಿರ ಕುಂಟಿ ಬೈಲಿನ 155 ಮತಗಟ್ಟೆಯಲ್ಲಿ ಅಕ್ರಮ ಮತ ದಾನ ನಡಿದಿದೆ ಎಂದು ಕಾಂಗ್ರೆಸ್ ಮಿಯಾರೂ ಗ್ರಾಮ ಸಮಿತಿ ಅಧ್ಯಕ್ಷ ತಾರನಾಥ್ ಕೋಟಿಯನ್ ಅವರು ಮತಗಟ್ಟೆಯ ಅಧಿಕಾರಿಗಳಿಗೆ ದೂರು ನೀಡಿದ್ದಾರೆ. ಸಂಜೆ ವೇಳೆಗೆ ನಕಲಿ ಮತದಾನ ಮಾಡಲು ಧೀರಜ್ ಎಂಬ ಅಪ್ರಾಪ್ತ ವಯಸ್ಸಿನವನಿಗೆ ಮತ ಹಾಕಲು ಅವಕಾಶ ಕಲ್ಪಿಸಲಾಗಿದೆ ಅವನು ಬೂತ್ ಒಳಗೆ ಹೋದಾಗ ನಮ್ಮ ಪಕ್ಷದ ಪೋಲಿಂಗ್ ಏಜೆಂಟ್ ಮತದಾನದ ಅಧಿಕಾರಿಗೆ ಆತ ಮತದಾರ ಅಲ್ಲ ಎಂದು ತಿಳಿಸಿದ್ದಾರೆ ಆದರೂ ಗುರುತಿನ ಚೀಟಿ ಇದೆ ಮುಖ ಹೋಲಿಕೆ ಆಗುತ್ತದೆ ಎಂದು ಮತ ಹಾಕಲು ಅವಕಾಶ ಕಲ್ಪಿಸಿದರು. ತಾರನಾಥ್ ಹಾಗೂ ಗ್ರಾಮಸ್ಥರಾದ ಶಬ್ಬೀರ್ ಶೇಕ್ ಪತ್ರಿಕಾಗೋಷ್ಠಿಯಲ್ಲಿ ಆರೋಪಿಸಿದರು.
ಧೀರಜ್ ಮತ ಹಾಕಿ ನಿರ್ಗಮಿಸುವಾಗ ತಡೆದು ನಿಲ್ಲಿಸಿ ನೋಡಿದಾಗ ಹುಡುಗನ ಬೆರಳಿಗೆ ಗುರುತಿನ ಸಾಯಿ ಹಾಕಿರುವುದು ಕಂಡು ಬಂತು ಆತನ ಕಿಸೆಯಲ್ಲಿ ಸುಹಾಸ್ ಶೆಟ್ಟಿ ಎಂಬವನ ಐಡಿ ಇತ್ತು. ಅದಕ್ಕಿಂತ ಮೊದಲು ಹೋದವರಿಗೆ ಬಿ ಎಲ್ ಓ ಪ್ರಿಸೈಡಿಂಗ್ ಆಫೀಸರ್ ಕೊಟ್ಟ ಚೀಟಿ ಬೇಕೆಂದು ಎಂದು ಹೇಳಿದರು. ಆದರೆ ಈ ಹುಡುಗನಿಗೆ ಪಕ್ಷ ನೀಡಿದ ಚೀಟಿ ಆಧಾರದ ಮೇಲೆ ಮತದಾನಕ್ಕೆ ಅವಕಾಶ ಕಲ್ಪಿಸಲಾಗಿತ್ತು ನಕಲಿ ಮತದಾನದ ಖಚಿತವಾದ ಮೇಲೆ ನಾವು ಅವನನ್ನು ಹಿಡಿದು ಮತಕಟ್ಟೆ ಅಧಿಕಾರಿಗಳಿಗೆ ಒಪ್ಪಿಸಿದ್ದೇವೆ ನಾವು ಪೂಲಿಂಗ್ ಏಜೆಂಟ್ ಅಲ್ಲದ ಕಾರಣ ನಮಗೆ ಬೂತ್ ನ ಒಳಗೆ ಹೋಗಲು ಅವಕಾಶ ಇರಲಿಲ್ಲ ಎಂದು ಶಬ್ಬೀರ್ ಹೇಳಿದರು.
ನಮ್ಮ ಬೇಡಿಕೆಗೆ ಬೆಲೆ ಕೊಡದೆ ಪೊಲೀಸ್ ಅಧಿಕಾರಿಗಳು ದಬ್ಬಾಳಿ ನಡೆಸಿದ್ದಾರೆ ಹಾಗೂ ಲಾಠಿ ಪ್ರಹಾರ ಮಾಡಿದ್ದಾರೆ ಅಧಿಕಾರಿಗಳು ಪೊಲೀಸರು ಎಲ್ಲರೂ ನಕಲಿ ಮತದಾನ ಮಾಡಿದವರ ಬೆಂಬಲ ನಿಂತಿದ್ದಾರೆ. ಮತದಾನದಲ್ಲಿ ಅಕ್ರಮ ನಡೆದಿಲ್ಲ ಎಂದು ದೇವರ ಮುಂದೆ ಬಂದು ಪ್ರಮಾಣ ಮಾಡಲಿ ಎಂದು ತಾರನಾಥ್ ಕೋಟ್ಯಾನ್ ಪತ್ರಿಕಾಗೋಷ್ಠಿಯಲ್ಲಿ ಆಗ್ರಹಿಸಿದರು.
