ಮಣಿಪಾಲ, 12 ಡಿಸೆಂಬರ್ 2024; ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆಯ (ಇಸ್ರೋ) ಮಹತ್ವಾಕಾಂಕ್ಷೆಯ ಗಗನ್ಯಾನ್ ಕಾರ್ಯಕ್ರಮವು ಮಾನವರನ್ನು ಬಾಹ್ಯಾಕಾಶಕ್ಕೆ ಕಳುಹಿಸಲು ಮತ್ತು ಅವರನ್ನು ಸುರಕ್ಷಿತವಾಗಿ ಭೂಮಿಗೆ ತರಲು ವಿನ್ಯಾಸಗೊಳಿಸಿದ್ದು, ಈಗ ಮಣಿಪಾಲದಲ್ಲಿ ವಿಶಿಷ್ಟವಾದ ಪ್ರಾತಿನಿಧ್ಯವನ್ನು ಹೊಂದಿದೆ. ಮಾನವ-ಶ್ರೇಣಿಯ ಎಲ್ ವಿ ಎಂ 3 (HLVM3) ರಾಕೆಟ್‌ನ 1:10 ಶ್ರೇಣಿ ಮಾಡೆಲ್-ಇಸ್ರೋದ LVM3 ನ ನವೀಕರಿಸಿದ ಆವೃತ್ತಿ-ಮಣಿಪಾಲ್ ನೈಸರ್ಗಿಕ ವಿಜ್ಞಾನಗಳ ಕೇಂದ್ರ (MCNS), ಮಣಿಪಾಲ್ ಅಕಾಡೆಮಿ ಆಫ್ ಹೈಯರ್ ಎಜುಕೇಶನ್ (MAHE), ಮಣಿಪಾಲದ ಹೊರಗೆ ಸ್ಥಾಪಿಸಲಾಗಿದೆ.
ಪುಣೆಯ ಇಂಡಿಕ್ ಇನ್‌ಸ್ಪಿರೇಷನ್ಸ್ ವಿನ್ಯಾಸಗೊಳಿಸಿದ ಮತ್ತು ತಯಾರಿಸಿದ ಈ ಪ್ರದರ್ಶನವು ಈ ಪ್ರದೇಶದಲ್ಲಿ HLVM3 ರಾಕೆಟ್ ಮಾದರಿಯ ಏಕೈಕ ಸಾರ್ವಜನಿಕ ಪ್ರದರ್ಶನವಾಗಿದೆ. ಇದನ್ನು ಅಧಿಕೃತವಾಗಿ ಡಿಸೆಂಬರ್ 10, 2024 ರಂದು ಬೆಳಿಗ್ಗೆ 10:00 ಗಂಟೆಗೆ ಮಾಹೆ ಮಣಿಪಾಲದ ಉಪಕುಲಪತಿ, ಲೆಫ್ಟಿನೆಂಟ್ ಜನರಲ್ (ಡಾ.) ಎಂ.ಡಿ. ವೆಂಕಟೇಶ್ ಮತ್ತು ಸಹ ಉಪಕುಲಪತಿ ಡಾ. ನಾರಾಯಣ ಸಭಾಹಿತ್ ಅವರು ಉದ್ಘಾಟಿಸಿದರು.
ಪ್ರದರ್ಶನದ ವಿವರಗಳು:
• ದಿನಾಂಕ: ಡಿಸೆಂಬರ್ 10ರಿಂದ -15, 2024 (ಮಣಿಪಾಲ್ ಆಸ್ಟ್ರೋಸ್ಟಾಟಿಸ್ಟಿಕ್ಸ್ ಸ್ಕೂಲ್ ಸಮಯದಲ್ಲಿ)
• ಸ್ಥಳ: ಮಣಿಪಾಲ್ ನೈಸರ್ಗಿಕ ವಿಜ್ಞಾನ ಕೇಂದ್ರ (MCNS), ಮಾಹೆ , ಮಣಿಪಾಲ
HLVM3 ರಾಕೆಟ್ ಮಾದರಿಯ ಪ್ರದರ್ಶನವು ಮಾಹೆಯ ಡಾ. ಟಿ ಎಂ ಎ ಪೈ ತಾರಾಲಯಕ್ಕೆ ಭೇಟಿ ನೀಡುವವರಿಗೆ ಆಕರ್ಷಕ ಅನುಭವವನ್ನು ನೀಡುತ್ತದೆ. ತಾರಾಲಯ ಪ್ರದರ್ಶನಗಳು ಮತ್ತು ಹೊಸ ಬಾಹ್ಯಾಕಾಶ ವಿಜ್ಞಾನ ಪ್ರದರ್ಶನಗಳು ಎಲ್ಲರಿಗೂ ತೆರೆದಿರುತ್ತವೆ, ಕುತೂಹಲವನ್ನು ಹುಟ್ಟುಹಾಕುತ್ತವೆ ಮತ್ತು ಬಾಹ್ಯಾಕಾಶ ಪರಿಶೋಧನೆ ಮತ್ತು ತಂತ್ರಜ್ಞಾನದಲ್ಲಿ ಆಸಕ್ತಿಯನ್ನು ಹೆಚ್ಚಿಸುತ್ತವೆ.
