ಮಣಿಪಾಲ : ಆಗಸ್ಟ್ 13: ಮಣಿಪಾಲ ಅಕಾಡೆಮಿ ಆಫ್ ಹೈಯರ್ ಎಜುಕೇಶನ್ [ಮಾಹೆ] ‘ಆಟಿದ ತುಳು ಪರ್ಬ’ವನ್ನು ಆಯೋಜಿಸುತ್ತಿದ್ದು, ಇದು ತುಳುನಾಡಿನ ಶ್ರೀಮಂತ ಸಂಸ್ಕೃತಿಯನ್ನು ಸಂಭ್ರಮಿಸುವ ಆಚರಣೆಯಾಗಿ ಗಮನಸೆಳೆಯಲಿದೆ. ಆಗಸ್ಟ್ 13, 2024 ರಂದು ನಡೆಯುವ ಈ ಉತ್ಸವವು ಶೈಕ್ಷಣಿಕವಾಗಿಯೂ ಉಪಯುಕ್ತವೆನಿಸುವ ಕಾರ್ಯಕ್ರಮಗಳನ್ನು ಒಳಗೊಂಡಿದ್ದು, ತೌಳವನಾಡಿನ ಭೌತಿಕ ಮತ್ತು ಆಚರಣಾತ್ಮಕ ಕಲೆಗಳು, ಜಾನಪದ ನೃತ್ಯ-ಸಂಗೀತ ವೈವಿಧ್ಯಗಳು, ಸ್ಥಳೀಯ ಪಾಕ ಸಂಸ್ಕೃತಿ ಮತ್ತು ವಿದ್ಯಾರ್ಥಿಗಳಿಗೆ, ಸಾರ್ವಜನಿಕರಿಗೆ ವಿವಿಧ ರೀತಿಯ ಸ್ಪರ್ಧೆಗಳನ್ನು ಆಯೋಜಿಸಲಾಗಿದೆ. ಕಾರ್ಯಕ್ರಮವು ಡಾ ಟಿ ಎಂ ಎ ಪೈ ಹಾಲ್ ನಲ್ಲಿ ಬೆಳಿಗ್ಗೆ 9.30 ರಿಂದ ಸಂಜೆ 5.00 ರವರೆಗೆ ನಡೆಯಲಿದೆ.
ಸ್ಪರ್ಧೆಗಳ ವಿವರ :
• ತುಳುಸಂಸ್ಕೃತಿಯನ್ನು ಪ್ರತಿನಿಧಿಸುವ ಚಿತ್ರಕಲಾ ಸ್ಪರ್ಧೆ ‘ತುಳು ರಂಗ್’ : 8 ರಿಂದ 12 ಯ ತರಗತಿಯವರೆಗಿನ ವಿದ್ಯಾರ್ಥಿಗಳಿಗೆ ‘ತುಳುಸಂಸ್ಕೃತಿ’ ವಿಷಯದ ಕುರಿತಾದ ಚಿತ್ರಕಲಾ ಸ್ಪರ್ಧೆ. ಯಾವುದೇ ಶಾಲೆಯ ವಿದ್ಯಾರ್ಥಿ ಮುಖ್ಯೋಪಾಧ್ಯಾಯರ ಶಿಫಾರಸು ಪತ್ರದೊಂದಿಗೆ ಹೆಸರನ್ನು ಈ ಸ್ಪರ್ಧೆಗೆ ನೋಂದಾಯಿಸಬಹುದು.
[ಕಾಗದವನ್ನು ಒದಗಿಸಲಾಗುವುದು. ಬಣ್ಣ, ಬ್ರಷ್ ವಿದ್ಯಾರ್ಥಿಗಳೇ ತರಬೇಕು]
• ತುಳು ಜಾನಪದ ನೃತ್ಯ ಸ್ಪರ್ಧೆ – ‘ತುಳು ನಲಿಕೆ’ : 8 ರಿಂದ 12 ಯ ತರಗತಿಯವರೆಗಿನ ವಿದ್ಯಾರ್ಥಿಗಳಿಗೆ ತುಳುನಾಡಿನ ವೈವಿಧ್ಯಮಯ ಕುಣಿತದ ಸಂಸ್ಕೃತಿಯನ್ನು ಪ್ರತಿನಿಧಿಸುವ ಸ್ಪರ್ಧೆ. ಯಾವುದೇ ಶಾಲೆಯ ವಿದ್ಯಾರ್ಥಿತಂಡಗಳು ಮುಖ್ಯೋಪಾಧ್ಯಾಯರ ಶಿಫಾರಸು ಪತ್ರದೊಂದಿಗೆ ಹೆಸರನ್ನು ಈ ಸ್ಪರ್ಧೆಗೆ ನೋಂದಾಯಿಸಬಹುದು. ಒಂದು ಗುಂಪಿನಲ್ಲಿ ಕನಿಷ್ಠ 2 ಮಂದಿ ಇರಬೇಕು.
• ತುಳು ಸಂಸ್ಕೃತಿಯ ಪ್ರಸ್ತುತಿ (ಪ್ರೆಸೆಂಟೇಶನ್] ಯ ಸ್ಪರ್ಧೆ- ‘ತುಳು ಬದ್ಕ್’: ಈ ವಿಭಾಗದಲ್ಲಿ ಪ್ರಾಯದ ಪರಿಮಿತಿಯಿಲ್ಲ. ಸಾರ್ವಜನಿಕರೂ ಭಾಗವಹಿಸಬಹುದು. ಪ್ರತಿಗುಂಪಿನಲ್ಲಿ ಕನಿಷ್ಠ 2 ಮಂದಿ ಇರಬೇಕು. ಗರಿಷ್ಠ 5 ಮಂದಿ ಇರಬಹುದು. ಸ್ಮರ್ಧಾಳುಗಳು ಪಿಪಿಟಿ, ಚಿತ್ರ, ಮಾತು, ಪ್ರಹಸನದ ಮೂಲಕ ತುಳು ಸಂಸ್ಕೃತಿಯ ಕುರಿತ ‘ಪ್ರಸ್ತುತಿ’ಯನ್ನು ಮಾಡಬಹುದು.
• ಬೆಳಿಗ್ಗೆ 10.00 ರಿಂದ ಸಂಜೆ 5.00 ರವರೆಗೆ ತುಳುಸಂಸ್ಕೃತಿಯ ಕುರಿತ ಸಾಕ್ಷ್ಯಚಿತ್ರಗಳ ಪ್ರದರ್ಶನ ಮತ್ತು ಸಂವಾದ, ತುಳು ಆಚರಣಾತ್ಮಕ ಕಲೆಗಳಲ್ಲಿ ಭಾಗಿಗಳಾಗಿರುವ ತಜ್ಞರಿಂದ ವಿಚಾರಸಂಕಿರಣ. ತುಳುವಿನ ಕರಕುಶಲ ಪರಂಪರೆಯನ್ನು ಪ್ರತಿನಿಧಿಸುವ ಮಳಿಗೆಗಳು, ಸಾಂಪ್ರದಾಯಿಕ ಆಷಾಢದ ಆಹಾರದ ಮಳಿಗೆಗಳು ಮತ್ತು ಪ್ರದರ್ಶನ.
ಹೀಗೆ ವೈವಿಧ್ಯಗಳೊಂದಿಗೆ ಇಡೀ ದಿನದ ಕಾರ್ಯಕ್ರಮ ನಡೆಯಲಿದೆ.ಕಾರ್ಯಕ್ರಮವು ಶೈಕ್ಷಣಿಕ ಆಯಾಮವನ್ನು ಕೂಡ ಹೊಂದಿದ್ದು, ತುಳುವೇತರ ಮತ್ತು ವಿದೇಶದ ವಿದ್ಯಾರ್ಥಿಗಳಿಗೆ ತುಳುನಾಡಿನ ಕುರಿತ ಅರಿವನ್ನು ವಿಸ್ತರಿಸಿಕೊಳ್ಳುವ ಅವಕಾಶವನ್ನು ಒದಗಿಸಲಿದೆ. ಮಾಹೆ ಮತ್ತು ಸ್ಥಳೀಯ ಸಂಸ್ಕೃತಿಯ ನಿಕಟ ಸಂಬಂಧದ ದ್ಯೋತಕವಾಗಿಯೂ ಈ ಕಾರ್ಯಕ್ರಮಕ್ಕೆ ಮಹತ್ತ್ವವಿದೆ.
ಎಲ್ಲಾ ಸ್ಪರ್ಧೆಗಳ ವಿಜೇತರಿಗೆ ಆಕರ್ಷಕ ಬಹುಮಾನಗಳನ್ನು ನೀಡಲಾಗುವುದು. ಆಸಕ್ತ ಭಾಗವಹಿಸುವವರು ಹೆಚ್ಚಿನ ವಿವರಗಳಿಗಾಗಿ ಮತ್ತು ನೋಂದಣಿಗಾಗಿ ಶ್ರೀಮತಿ ರಕ್ಷಾ ಅವರನ್ನು 9964017386 ಅಥವಾ ಶ್ರೀ ಮಿಥುನ್ ರಾಜ್ ಅವರನ್ನು 9980675538 ರಲ್ಲಿ ಸಂಪರ್ಕಿಸಬಹುದು .